Við þjónustum
Jeppaferð - MYNDBANDI BÆTT VIÐ
Á eftirfarandi tenglum má sjá myndbrot úr jeppaferð á Tröllatunguheiði 18. febrúar 2012:
Framkvæmdir í verslun
Nú standa yfir framkvæmdir í verslun KM þjónustunnar og er viðbúið að einhver óþægindi kunni að skapast vegna þeirra. Opnunartími verslunar verður þó áfram hinn sami og lögð er áhersla á að sem minnst truflun verði á vöruafgreiðslu.
Gleðilegt ár!
Starfsfólk KM-þjónustunnar óskar þér og þínum gleðilegs árs með þakklæti fyrir árið sem er að líða.
Gleðileg jól
Við óskum viðskiptavinum okkar og landsmönnum öllum gleðilegrar jólahátíðar.
Starfsfólk KM-þjónustunnar.
Jólasveinar
Búðardalur skartar sínu fegursta þessa dagana eins og sönnum jólabæ sæmir. Það er snjór yfir öllu og jólaljósin gleðja augað hvert sem litið er. En það er fleira sem gleður því hinir gömlu og góðu jólasveinar hafa verið að sjást hér og þar eins og þetta myndband sýnir:
Jólasnjór
Það snjóaði létt í Dölum í dag og það lítur út fyrir að KM gengið sé að detta í jólagírinn í kjölfarið en nú geta menn varla haldið að sér höndum lengur og ætla að koma upp jólaljósunum fyrir helgi, enda er það vel við hæfi þar sem fyrsti í aðventu er á sunnudaginn. Til að koma skreytingarglöðum Dalamönnum í rétta jólaskapið er tilvalið að láta "Jól í Búðardal" með Írisi Guðbjarts hljóma undir, brosa og njóta ljósanna í skammdeginu... ho, ho, hó!
Erlendir ferðamenn í vanda
Tilkynning barst á sunnudegi um að erlendir ferðamenn væru langt fyrir utan veg á Svínadal, en þó á vegslóða, á rafmagnslausum bíl og án síma. Það var eðlileg skýring á rafmagnsleysinu en þeir höfðu komið á laugardagskveldi á staðinn og lagst til hvílu með úvarp og miðstöð á en höfðu bílinn ekki í gangi um nóttina. Þegar komið var á kranabílnum til að gefa start kom í ljós að þeim var orðið ansi kalt enda illa búnir í svona ferðalag. En bíllinn fór í gang og hélt fólkið vestur á vit fleiri ævintýra á Íslandi.
Ferðamaðurinn
Þakklæti ferðamannsins.
Ferðamaðurinn blessaður lendir oft í ógöngum á leið sinni og oftar en ekki kemur þá KM-þjónustan til hjálpar.
Sumarið er tíminn
...sungu þeir Rúnar og Bubbi fyrir mörgum árum og mætti ætla að þeir hafi ort þetta til okkar hér í KM þjónustinni því að hér er sumarið sannarlega tíminn... tími ferðalanga með sprungin dekk, bílaleigubíla úti í móum og laskaðra heyvinnutækja svo eitthvað sé nefnt.
Sumar
Það má segja að vefurinn okkar hafi farið í gott sumarfrí en lítið hefur verið skrifað hér inn þetta sumarið. Kannski má segja að við höfum látið eins og sumarið í Dölum en það lét svo sannarlega bíða eftir sér þetta árið, lengi var kalt en eitthvað kíkti fröken Veðurblíða við þegar leið á. Síðustu dagar hafa verið sólríkir og góðir og kvöldin falleg eftir því eins og sjá má á meðfylgjandi mynd.