Verið er að reisa hús hjá sláturhúsinu í Búðardal. Fyrirtækið Skrauma ehf. sér um bygginguna. Okkur skilst að það eigi að klára þetta að innan sem utan og að því loknu verðu það flutt norður að Brekku í Aðaldal.
Útkall kom á kranabílinn fyrir hádegi þriðjudaginn 08-03-11, bíll á hliðinni. Senda þurfti krana með flýti á staðinn en óljóst var hvar hann var nákvæmlega, svo kom í ljós að hann var við Svínavatn á Heydal. Binni þurfti að spila bílinn á hjólin svo fólkið kæmist út, síðan var farið með bílinn í Dekk og smur í Stykkishólmi.
KM þjónustan var heimsótt af Gísla fréttamanni og Kalla upptökustjóra úr þættinum Landanum í dag. KM Kalli fékk það hlutverk að vera viðmælandi og var spurður út í viðgerðir á bílum, umferð gegnum Dali, starfsemi KM og margt fleira. Þeir félagar voru duglegir að mynda, bæði að innan sem utan. Þátturinn verður sýndur á RÚV í mars en eins og sést eru menn heldur smekklega skreyttir skeggi enda mottumars í fullum gangi.
Áburðarsala er hafin hjá KM þjónustunni, erum við með umboðssölu fyrir Áburðarverksmiðjuna á svæði Dalabyggðar og flytjum einnig áburðinn beint heim til bænda ef óskað er. Þjónustufulltrúi er Unnsteinn Árnason, sími 4341611 og gsm 8988210. Það er alltaf kaffi á könnunni í verslun okkar (nema þegar Tobbi klárar það) og þar er einnig hægt nálgast áburðarbæklinga.
Útkall var þegar Nissan bíll fór útaf í miklu krapi suður í Borgarfirði. Spila þurfti bílinn upp úr skurði og gat hann haldið áfram ,þarna voru útlendingar á ferð.
Ýmislegt er sett í viðgerð í KM þjónustunni. Einn góður maður kom með gúmmískó í viðgerð til að láta sóla þá, taldi hann betra að gera það en að fara í Borgarnes og kaupa eina slíka; já góði.
Vegna aðkomu KM karla að 112 deginum í Búðardal megum við til með að minna á þann viðburð hér:
Í tilefni 112 dagsins verður kynning á starfsemi neyðarþjónustuaðila í húsnæði Björgunarsveitarinnar Óskar laugardaginn 12. febrúar, kl. 13:00-16:00.
Markmið dagsins er að kynna neyðarnúmerið 112 og starfsemi sem tengist því. Björgunarsveitin og sjúkraflutningamenn í Dalabyggð taka á móti gestum og gangandi.
Hinn eini sanni lögreglumaður í Búðardal mætti á svæðið og tók slysið út. Hvernig verður þetta þegar búið verður að skera niður úr einum í engan?
Útkall á kranabifreið varð upp úr sex á fimmtudagsmorguninn, 13. janúar, en beislisvagn hafði fokið á hliðina sunnan meginn við Bröttubrekku. Spila þurti vagninn niður svo hann fyki ekki fram af kantinum, svo var hann tekinn aftan úr vörubílnum þannig að hann kæmist áfram. Völundur kom með krana og reisti hann á réttan kjöl og dró hann beint til Reykjavíkur.
KM þjónustan þakkar viðskiptin á árinu sem er að líða og óskar landsmönnum öllum farsældar og gleði á nýju ári.
- Hátíðarkveðjur frá starfsfólki.