Frettir » Tilkynning frá Vörumiðlun
Þar sem Vörumiðlun ehf. hefur keypt flutningafyrirtækið af KM þjónustunni verða eftirfarandi breytingar á akstursleiðum:
Ekið er alla daga í Búðardal. Ekið er alla daga til Hólmavíkur nema miðvikudaga. Akstri um Strandir sem verið hefur á fimmtudögum verður hætt. Ekið verður frá Hólmavík um Strandir til Búðardals fyrsta og þriðja þriðjudag hvers mánaðar. Vonumst við til að Strandabúar og aðrir á þessari leið geti nýtt sér þessa þjónustu. Aðrar áætlanir verða óbreyttar að svo stöddu. Vörumiðlun ehf. er með afgreiðslu á Landflutningum og Flytjanda í Reykjavík og einnig á Akureyri auk þess að vera með starfsstöðvar á Hólmavík, Búðardal, Hvammstanga, Blönduósi og höfuðstöðvar á Sauðárkróki. Með bestu óskum um gott samstarf. Vörumiðlun ehf. Eyrarvegi 21 550 Sauðárkróki